وقفة عزّ

-تعلم تحل عينك و تشوف ، شوف الدنيا بخايبها و باهيها تعلم تفرق بين الوجوه , نفس الدمعة أما تفرق بين الفرحة و بين الخوف ... برشا مبصرين أما مايشوفوش وبرشا في الظلام واقفين لدنيا بعصا و متخبوش ...
-تعلم وقت تقدم ماتوخرش ,تعلم وقت تاقف ماتقعدش ,تعلم تبدا و ماتقفش ,تعلم تقول مازال و مازلت نجم بيا نقدم ,أنسى النقطة بعد كل جملة الدنيا فواصل النقطة تعني الموت ،النجاح في الدنيا يتقاس بالناس في قلتهم أمامك فوز و كثرتهم أمامك لا تعني سوي التأخر والخسارة !
- تعلم تعيش شبعان ، الدنيا ماتجيش باللهفة قداش من واحد مات مالتخمة و في مخو جيعان émoticône wink تعلم تاكل باش تعيش موش تعيش باش تاكل émoticône wink
-تعلم وقت تطيح فيسع تقوم, الدنيا حجرة في طريق واللي يتعثر يتعفس يموت émoticône wink
-تعلم تسمع قبل ما تسمّع صوتك , تعلم تذوق و تتبنن الصوت !! ربي خلقلنا زوز وذنين و فم واحد ولله في خلقه شؤون émoticône wink
-تعلم كيفاش القلم يتشد, تعلم إكتب فسخ و إبري ,إنت في دنيا قلم تكتب حكايتك و براية لعمرفيك تاكل و الموت يستناك في أخر السطر émoticône wink
-تعلم إشكي للورقة خربش وجيعتك الورقة تحمل و تسمع و تذكرك كيف يتعدى الزمن ..
-تعلم تسهر و قت الناس راقدين يقولوا النوف غفلة !ما تكونش مالغافلين émoticône wink
-تعلم تحكي قدام المراية ، موش هبلة أما تعلم تواجه روحك قبل ماتواجه لخرين ,
أقف لروحك وأغزرلك العين فالعين émoticône wink
-تعلم إضحك وقت الفرحة و سيب دموعك وقت تكون حزين ,
الإنسان مشاعر موش حجرة على زوز ساقين !!
-تعلم تكون أنت ماتكونش نسخة عن حدّ ,تعلم تقول بالمليان ماكيفي حدّ !
-تعلم تكون أناني! émoticône gasp حب روحك قبل ما تستني محبة من حدّ émoticône wink
-تعلم تمشي في طريقك وحدك ,بلاصتك في الدنيا ما تخليها لحدّ ،طريق الأغلبية يوصل لوين هما حبوا و طريقك يوصلك لوين إنت تحب émoticône wink
-تعلم تنسي و أفرح وفرحتك ماتعطيها لحّد !
علم قلبك يتكلم بمحبة تعلم تسامح و حبّ émoticône heart
" الدنيا وقفة عزّ لليعرف يعيشها موش جري تمرميد و تعب émoticône wink "

‫#‏تعلم_تعيش‬
أسماء