يكذب عليك !
يكذب عليك ! يقلك نحبك, نعشقك, و نموت في عينيك ! و يمشي و يخليك ! نتذكر ليلة لحكينا و نوم ماكحلش عينينا, الوقت كان ناسينا, المنقالة الدور الدور و الدنيا حابسة بينا ! قتلي وقتاش نشوف روحي في عينك ,نبوسك و نطير بيك! نعنقك و لقلبي نضمك تسمع دقاتو كيف نقلك نحبك <3 نحب نمشي و تمشي بيا لدنيا غير الدنيا العادية! فيها إنت وحدك عينيا ,نحب نشوف الدنيا بعينيك و تكتبني حروف بيديك ! تخبيني في كتاب كالوردة نتفتح بين إيديك! نحبك كالبحر على شطوطك نتمشي و نغرق فيك ! نحبك كالبحر غارقة بٱفكارك منحبكش كيف لخرين نحب عندك عمق و عقل رزين نحبك كيف ما إنت و كيف ما إنت خليك ! إيجا نصورك و في قلبي نخبيك .....تعرفني نعزك و نخاف عليك نخاف نخليك! قتلك أخطاك يكذب عليك يطول الليل وهو ناسيك .... القمرة بعيدة أما كل ليلة تطل عليك ..... النجوم برشا اما يسهرو مع عينيك...... و هو في دنيتو غاطس و ناسيك علا ش باش يفكر فيك?? يكذب عليك .....قبل النهار و ضباب الفجر سيبلك إيديك .....ضعت بلا بيه /: كنت نشوف بعينيه !خلاني و هنت عليه! قتلك يكذب و سفيه يحبك لعبة ...