Unusual Girl (i'm the girl you'll never be )

المرأة تُرادفُ كلمة "الشرفْ" لأن الرجل في مُجتمعاتِنا الشرقية لا شرف له إلاَّ بما ٱرتبط بأمه ،زوجته، أخته وإبنته . شرف الرجل يُخْتَزلُ في لِبَاسِ المرأة و في قطرات دماء عُذْريتِهَا . في الجاهلية،كانت الأنثي تدفن حيّة كانت العار و النُقْصَ والذنْب الذي لا يُغْتَفرُ،تَخطتْ البشرية جَهْلهَا لتَنْتَقِل لمرحلةٍ مُتقدمةٍ 'الجاهلية المعاصرة' . حافظ الرجل على مكانته القيادية التي لا تختلف في جوهرها عن ذكو ر الحيوانات في حين تَخطتْ المرأة فكرة دفنها حين تَحدّتْ قابِرهَا لتُغيّر مُرَادِفَها من العارِ إلي الشرفِ في قاموسِ مُفْرداته الغير قابلة لتحوير والمُدعم بحقوق تأليفٍ صارمةٍ تُعرِضُ كلّ مُتَمردٍ لتَتبُعاتٍ جَزائيةٍ يقْضِيهَا حاكمٌ فاسدْ غالبًا ماتَكونُ فيه المرأةُ مُتّهَمةً و يَكونُ الحُكم هو العيشُ في مجتمعٍ ذكوري فاسدْ مؤبدْ أسماء الغربي

نَحْكِي على، العَرْبى وِلدْ تونس ، بدنْ، مَخَيخْ ورجُولية وِلدْ حومة شعبية يقُولْ بلّمْة و عندُو اللِى يَسمُوهَا الوَطَنية، معليناش، الكلمة هاكى برشة يعرفوا يِكْتبوها و مايفهموهاش يُنْطقُوها و مايحِسوُهاش،  العربى كيف الشعب الكلْ قاري و متعلم حتي من لغة الكُفْار يتكلمْ قاري بعد الباك تلاثة سنين ولد فاك مِنسية فالقصرينْ حَصِّلْ الدِيبلومْ و قال على الضَالِينْ آمين اليوم نلقي خدمة، بلاد الغلبة لاخدمة لاهربة، شيعمل هذاك ولد الشعب مغرفة شنوة هزة قال يزي ملْ مِزيرية نِربَحْ الوقت و   نقصِّر الثنية. الشوماج كان ميقتلكش بالشرّ في تونس يوصلك إل اقرب ثكنة عسكرية، العربي لِبس الكمبة هاجت عليه الوطنية و المحبه ، فرحة الميمة و عينيها دمْعة ولد الربطْ شدّ حاكمْ ناس تباركْ و ناس التمتمْ فى التراكنْ. خالتي تونس تزغردْ في الدار و تقول" اليوم نقهر الأعداء و ننسي فقري والي تعدي".  عامين تعدُو كالحلمة وعيد السنة العربي يُخطبْ يَقْري الفاتحة و ان شاء الله تِكْتب . كلْ يُوم العربي يَكلمْ اُمو عليهَا يِطْمانْ'' مازالْ علْ عِيدْ مَحسوُبْ جِمعتينْ ونِتلمُو وفرحتي بتزغريدتك يا غالية ت...

موسم التزواج في الحومة بدا عيطة و زيطة و غناء هاذي امتيازات الحومة الشعبية  الواحد شيقول ان شاء الله بالهناء !! اما علاش الشعب الكل يحب يعرس في نفس الليلة تزغريد غادي و هنا و الفن الشعبي الصياح لصباح حملات انتخابية يحيوا في التراث ناس دمادم و صحاح و حتي في اللبسة كيف كيف مرّا تشوف مرا تونسية زمنية الحرام ومليّة والخلال ومرّا ترا التوخليجة حجاب و اللبسة امريكية و مرّا ترا بنيّة و تبقى تلوج  اللبسة وين هيا   معليناش حرية شخصية تشبه برشا لتعددية الحزبية مبارة تلوج في راجل و لا نائب يلوج في التأسيسي حتي على طبورية   عروسات إباحية بو العروسة نهضاوي و العريس مالقوات العسكرية يصير في حومتنا   في موسم التكاثر يكثرو السُكارجية اهوكا مرّا علي مرّة يضيعو الثنيّة نكلمولهم بلدية السُكارجية كالزبلة يهزوهم متراهمش اما تشم ريحتهم ملا مشاكل دولية مزال شهر و  شوية و يوفا موسم التزاوج زعما في العرس الإنتخابي فما سُكارجية !!؟ أسماء الغربي