‫#‏للثورة_بقية

قالوا عليها ثورة الزوالي المحروم الي عاش فوق العشرين سنة مغبون ثورة باش تبدل كل شئ ومن نهارتها ماتبدل شئ بلعكس زدنا غرقنا كنا مقسومين لزوز، ناس الفوق و ناس لوطا الّلي لفوق زادوا علاو و اللّي لوطا تدفنوا بعفسانهم !الثورة ليها توا ثلاثة سنين ناس ماتت، و ناس موتا عايشين، ناس حرقوا وغرقوا و ناس بدناتهم تحرقوا، وناس صابرين يتنفسوا و مخنوقين، ناس حرقوا أرواحهم حبّوا يشعلوا قضية بردة ، بعد الثورة، قضية كانت كالمنارة تضوي في ليل تونس الحزين قضية اكا الزوالي مسكين!! تحرقوا شفنا نارهم تجهر العين اما شنية الفايدة كالحاكم أعمي و الشعب يتيم! ثورتنا مازلت و الحاكم يلزمو يكون بصير، أولاد سليانة ماكنوش علي قضية الزوالي بُخلين بالرّش العين تعمي، المهم القافلة تسير! أما أوّل مشافت الحكومة تجهرت بكرسي قرطاج الليتم توا ثلاثة سنين و أحنا منكوبين لا فرحنا بثورة و لا بخروج الزين نفرحوا و مسلم بلا ساقين! موش وحدوا كيفوا كثيرين الثورة وقفت بساقيهم و حدّ ما سئل علاهم زعمة مرتاحين زعمة جروحكم برات و ريوسكم بين الناس علات ولاّ موجوعين مضلومين في بلاد شعبها عمل ثورة باش البطال يخدم ، الفقر ِيقلّ و ما يجوعش اليتيم صبحْ تحت حكومة تفتي في الدين شبينا قبل كنّا كافرين ؟؟ الثورة كيما قالوا ثورة ياسمين تِتْفك أمّا ريحتها ديما تحيينا تِتْفك أمّا منبتها في التراب اللّي كاسينا تِتْفك أما مرجعها لينا. 

#‏للثورة_بقية