Unusual Girl (i'm the girl you'll never be )

نحب نكتب و معرفتش نبدأ  منين.... المخ هايم و القلب حزين  نحب نكتب و ستيلو رزين ... أوراق مني تتخبي و أوراق مالتنهيدة التطير  يزي مابكي قلمك حبار.... يزي مامسحت لأوراق دموع و أفكار  يزي مابكيت حروف  ....  يزي ما صورة الخوف...  توا  على ضلامك تثور توا تكسر البلار على قلبك و تشوف النور  توا تتعلم تمشي وتطيح وتوا تقوم توا تاقف على ساقيك و تنسي النوم  توا تعيش وتتنفس و تحسب النجوم  تَرَّقِدْ القمرة  برموشك و بصوتك تطير مع الغيوم  توا تجري ومتعياش توا متستناش  توا تتفكر وتفكر والدمعة في عينك منرهاش توا تصيح و تحل إيديك .تخرج إلي فيك  توا تواسيك و تشد يديك و تمشي بيك لقدآآآام  توا الوقت ليك  توا تحب وتتحب والقلب لحمر على وراقك يتكتب تو وقت الإيد إلي تتشد ووقت البوسة تترسم عل خدّ  وقت أمك تقول بنتي صبية  ووقت خويا يحزر عليا  وقت البو يقول بنتي صغيرة  ووقت قريتي تموت مني بالغيرة  توا وقت الورد يفتح ووقت الي تكسر يتصلح  وقت الفرحة اللي تل...

مانجمتش ..مانجمتش مني نتخبى ...منجمتش نسكت و نتعدي  ..مانجمتش ننسىى..مانجمتش نحط نقطة والكلام مازال في قلبي متخبى ... مانجمتش نقول كرهتك بعد محبة ...  منجمتش نسامح ....منجمتش و قد مانحكى نعرف إنت كيف الليل تسمعني و مع الفجر تخليني و تودعني ....ساكت و حنين .. بارد و رزين... صابر و حزين تكرهني ... تكره فيا الضوء و التبسيمة... تكره فيا ضعفي بعد الندم و تكره كل مرة في نفس البلاصة تخليني .... تكره كلامي ... تكره حروفي الي تبكيني .. تكره تصويرتي و تكره عيني تكره عنادي و تgنgيني تكرهني و تسئلني علاش تحبيني؟ ؟ تكرهني و تقلي حبيني !!!... تكرهني و نجمت تنساني أما مانجمتش تنسيني ?? إي مازلت قوية ... منجمتش ننساك أما مازلت قوية مازلت نتبسم كيف نتذكرك ... مازلت نفرح كيف نراك في التصويرة مازلت صغيرة مازلت نبكي في الليل و نقوم في الصباح لابسة أحلي تبسيمة !! مازال قلبي يدق ويسامح ومازلت باش نطيح و ناقف ومازلت باش نتجرح نتعثر أما قلبي ديما يقلي مازلت باش تفرح .... ومازال الفجر باش يبان مزال باش نضحك و معادش كلامك يبكيني مازل باش نتغشش و مانستناكش باش ترضيني مازلت باش نحكي لليل و...

عندي جمعة موش قد بعضي ...تاعبه.... مريضة ...مدبرمة مانخرجش من بيتي ماعنديش قدرة نخرج و نشوف ناس فديت مالوجوه كلها تشبه لبعضها وحدّ ما يشبه لحدّ. بيتي ضلمة ...قبر ..نفس مفماش ...مخنوقة ...عندي مراية كبيرة ساعات نشوفني ..نتوحشني ...نغزرلي ...نونسني.... عندي برشا ماشفتنيش ... طفلة أخري في مرايتي تشبهلي ..أما موش أنا ....كل ماتشوفني تغزرلي في عيني و تبكي ...هي موش أنا .... سخفتني ...مخيبها معاش نحب نراها ..غطيت المرايا ... معادش ريتها في بيتي ...أما مازلت نسمعها تبكي ... . تبكي بعيني ... وتشهق بصوتي .....و بإيدي تمسحلي في دموعي شبيني... سيبني أخرج مني .... تعبتني ... تبكيني وتمشي و تخليني أقف قدامي و رضيني ....... شدني من إيدي و قلي سامحيني متمشيش كيفهم و تخليني ....تعبتيني علاش في المراية كل مانشوفك تبكيني .... علاش هكة بالدموع عيني ، علاش في الليل تمشي و تخليني ....نلوج عليك في الضلام ..تطفيني تعرفني نخاف مالضلام .. علاش وحدي تخليني..... حتي إنتي كرهتيني الليل طويل موحش ... ناس الكل راقدين و ناس مع الموتي ساهرين قلي وين تمشي في الليل نلوج في مرايتي كان الضلام ......قلي كل ل...

هل من وسيلة لفهم ما معنى الحبّ من دون أن تصبح حبيبا في المقام الأول؟  فالحبّ لا يمكن تفسيره؛ و لا يمكن إلا معايشته و اختياره، ومع أن الحبّ لا يمكن تفسيره، فهو يفسر كلّ شيء.  The forty rules of love.